Leikur að læra – skapandi sumarnámskeið fyrir börn
Töfrabörn bjóða upp á skapandi og uppbyggilegt sumarnámskeið fyrir börn þar sem leikur, listir og hreyfing eru nýtt til að efla sjálfstraust, samkennd og gleði í námi og samskiptum. Markmiðið er að börn fái að uppgötva eigin styrkleika, auka vellíðan og fái verkfæri sem hjálpa þeim að takast á við verkefni og áskoranir daglegs lífs með auknu sjálfstrausti og trú á eigin getu.
Námskeiðið er haldið í Nýsköpunarsetrinu við Lækinn, Skólabraut 2, Hafnarfirði.
Þegar barn fær rými til að finna eigin töfra, verða félagsleg tengsl sterkari og lífsgæði aukast.
Námskeiðisvikur:
• Á námskeiðinu er unnið með þemu á borð við:
- jákvæða leiðtogahlutverkið
- gróskuhugarfar og trú á eigin getu
- að mæta tilfinningum, jafnvel þeim stormasamari, með ró og hugrekki
- að slaka meðvitað og nýta hugleiðslu sem innri kraftgjafa
- samkennd og vináttu
- gleði og sköpun
- tilfinningar og tjáningu
Þemun eru könnuð á fjölbreyttan og skapandi hátt í gegnum:
- leiklist og spuna
- dans og hreyfingu
- myndlist og skapandi verkefni
- tónlist og rytma
Námskeiðið byggir á faglegum viðmiðum jákvæðrar sálfræði og núvitundar. Áhersla lögð á töfraverkfærin í gegnum leiki og sköpun.
Leiðbeinendur námskeiðsins eru:
Hrefna Hallgrímsdóttir, leikkona, leikstjóri og leiklistarkennari með áratuga reynslu af skapandi starfi með börnum og Aðalheiður Mjöll námsráðgjafi og núvitundar- og jógakennari. Báðar eru þær með MA diplómu í Jákvæðri sálfræði.
Skráning er hafin HÉR.
Töfrn 